Dowladda Sacuudiga oo eedeeyn kulul u jeedisay Iiraan

Dowladda Sacuudiga oo eedeeyn kulul u jeedisay Iiraan

Dowladda Sacuudiga ayaa si kulul u cambaaraysay waxa ay ku tilmaamtay faragalinta ay Iiraan ku hayso arrimaha dalalka Carabta.

Wasiirka arrimaha dibadda Sacuudiga, Caadil Al Jubeyri,ayaa sheegay in dalkiisa uusan ka labalabayn doonin in uu is difaaco.

Wasiirka ayaa hadal ka jeedinayay kulan degdeg ah oo ay yeesheen ururka Jaamacada Carabta kaasi oo ay Sacuudiga ku baaqeen.

Kulankan ayay Sacuudiga ku baaqeen ka dib markii kooxda Xuutiyiinta Yamen ay Gantaal ku soo rideen magaalada Riyadh horraantii bishan.

Boqortooyada Sacuudiga ayaa ku eedeeysay Iiraan ay hubkaasi siisay Xuutiyiinta ,ayna tahay taasi ficil daandaansi ah.

Dowladda Iiraan ayaa la sheegay in ay taageerto kooxda Xuutiyiinta ee ka dagaalama dalka Yamen.

Xulufada uu Sacuudiga hogaamiyo ayaa dagaal kula jira kooxda Xuutiyiinta Yamen.

Leave a Reply

Your email address will not be published.